На 15.11.2024 година во просториите на Природно-Математичкиот Факултет Скопје, се одржа 46 по ред Школа за Млади Физичари која е од републички карактер со изведба на експерименти,демонстрации, изработки, постери и презентации.
Учество земаа и ученици од Кузман Јосифовски Питу,Скопје кои со 6 различни експерименти го претставија нашето училиште во најдобро светло, покажувајќи дека со љубов и голем интерес ја изучуваат физиката, а доказ за тоа се и наградите кои ги освоија :
Прва награда: Кирил Андоновски и Емил Скалов (9-1 одд)
со тема: Систем на макари, Ментор:Јулија Митреска
Втора награда: Калина Маказлиева и Јана Филиповска (9-1 одд)
со тема: Водена ракета, Ментор:Јулија Митреска
Трета награда: Матеј Марковски и Георгиј Тодоровски (9-1 одд)
со тема: Хидрауличен лифт, Ментор:Јулија Митреска.
Успешно се претставија уште и следните ученици:
Горјан Крстевски и Сара Гечевска (9-2 одд) со тема: Одбивање, Прекршување и Дисперзија на светлината (светлосна ѕвезда и виножито),
Маја и Марко Јаневи (9-2 одд) со тема: Конструкција на лифт со прости машини
Дариан Петрески и Владимир Трендафилов (9-3 одд) со тема: Херонова фонтана од домашни матерјали.
Учесниците на овој натпревар,освен што можеа да ги покажат своите знаења од областа на физиката,истовремено имаа можност да учат и стекнуваат нови искуства од различни области од физиката преку експерименти и демонстрации на своите другарчиња од различни училишта од целата земја.
После делот од натпреварот со претставување и изведба на експериментите, учениците имаа можност да ги проследат предавањата од професори на ПМФ кои имаа опфатено доста интересни и актуелни теми:
- Егзопланети- Во потрага по нови светови,
- Карактеристики на локални и регионални земјотреси
- Во магичниот свет на науката.
Предметен наставник по физика : Јулија Митреска
